Психолошки роман, трилер Романот „Последна шанса за втора клапа: Сценариото на немиот сведок“ е психолошки роман со хорор-секвенции, што го пренесува најдлабокото скриено искуство на сценаристот Тери Милер, кој живее и работи во градот Остин во Тексас, Америка. При едно патување во градот Далас за снимање сцени за филмот на кој работи, доживува сообраќајна несреќа што комплетно ќе му го измести неговиот поглед на светот и на животот, а особено затоа што има жртва за која тој се обвинува себеси. Тери Милер ја започнува својата психолошка драма во која неговата свест бара начини да се избори со илузијата што му ја креираат неговите мисли. Романот изобилува со богат книжевен речник, уметничко-литературен функционален стил на изразување во филозофскиот аспект на основните животни прашања, особено кога главниот лик се наоѓа во вклештениот простор помеѓу минатото и иднината, просторот на разбудените спомени од детството во кохезија со иднината што темелно ја визуализира за филмот „РЕМ-семиреалност во 5.000-та година“. Ова е експлицитен психолошки роман со индоктринирани испреплетени сегменти на научнофантастичен жанр. Автор: Кристина Краличин Оригинален наслов: „Последна шанса за втора клапа“ Категорија/жанр: Роман/Фикција Издавач: ИД Концепт - Чудна Шума Едиција: Дабрава Јазик: Македонски Формат: А5 Повез: Мек Број на страници: 315 ISBN: 978-608-4938-64-4 Година на издавање: 2023 Тираж: 400 (прво издание)