Кристина Краличин гостуваше во утринската емисија на Македонската Радио Телевизија „Македонија наутро“ на 23 декември 2025 година кај водителката Јована Костадиновска. Разговорот беше на тема од неодамна добиеното високо признание Амбасадорка на Стародавната Академија на Парнас за земјите на Балканот како титула за високата вредност на нејзиното поетско и литературно творештво.
Поетесата и писателка Кристина Краличин се закити со уште едно признание во областа на литературата. Во конкуренција од над 1.200 учесници од целиот свет на Меѓународната награда за поезија „Убавината останува“ (La Bellezza Rimane), Кристина Краличин се издвои со поемата „Една насмевка“ (Un sorriso) напишана оригинално на италијански јазик.