МАКЕДОНСКАТА ПИСАТЕЛКА И ПОЕТЕСА КРИСТИНА КРАЛИЧИН ПОБЕДНИЧКА НА МЕЃУНАРОДНИОТ ПОЕТСКИ КОНКУРС „MOST PJESNIKA 2026“ ВО САРАЕВО

ДИЈАМАНТСКА ПОВЕЛБА ЗА НАЈДОБРАТА ПЕСНА НА КОНКУРСОТ

Македонската писателка и поетеса Кристина Краличин е прогласена за победничка на четвртиот Меѓународен фестивал на поезијата „Most pjesnika 2026“ (Мост на поетите 2026) во Сараево, Босна и Херцеговина, со песната „DVOJE NE MORAJU JEDNO POSTATI“.

Во меѓународна конкуренција од 177 пристигнати книжевни дела, од официјално наведени 17 земји, нејзината песна го освои највисокото признание, „DIJAMANTSKA POVELJA“ (ДИЈАМАНТСКА ПОВЕЛБА).

Во официјалните резултати, објавени на 13 октомври 2026 година, организаторот ја издвојува песната на Краличин на првото место, со образложението „pobjednička pjesma konkursa“ (победничка песна на конкурсот).

На конкурсот пристигнале 177 книжевни дела, а во објавениот список се застапени автори од Македонија, Босна и Херцеговина, Србија, Хрватска, Црна Гора, Словенија, Бугарија, Италија, Германија, Австрија, Шведска, Данска, Обединетото Кралство, Соединетите Американски Држави, Австралија, Аргентина, Шпанија, Луксембург и Косово.

Конкурсот е во организација на Здружението за култура „Nova svjetlost“ (KNS) од Сараево, а селектор на пристигнатите творби е книжевникот Ибрахим Османбашиќ.

Песната „Dvoje ne moraju jedno postati“ ја развива идејата за поврзаноста меѓу луѓето без губење на нивната индивидуалност, за мостовите што обединуваат без да ги избришат разликите. Токму оваа универзална порака добива дополнителна симболика во рамките на фестивалот посветен на поезијата како мост меѓу културите и народите.

Го пренесуваме во целост образложението на селекторот Османбашиќ за доделеното признание (преведено на македонски јазик):

     Осврт на победничката песна на конкурсот „Мост на поетите 2026“

     Песната „Двајца не мора да станат едно“ од авторката Кристина Краличин од Македонија донесува суптилно и филозофски инспирирано размислување за љубовта, слободата и границите што ја чуваат автентичноста на две личности. Преку симболиката на мостот и реката, авторката гради поетски простор во кој се среќаваат блискоста и оддалеченоста, сеќавањето и загубата, трајноста и минливоста.

Vrijeme tada nije znalo za tok,/ na starom mostu vječnost se skrila,/ zaustavljena u tvome dodiru,/ dok je rijeka ispod nas žurila/ i negdje daleko u svome viru se gubila.

     Посебната вредност на песната се огледува во нејзината основна мисла: љубовта не бара две личности да се стопат една во друга, туку, останувајќи свои, да изградат нешто заедничко. Така, мостот станува метафора на поврзувањето, додека двата брега го симболизираат правото на сопствен идентитет. Во тој однос поетесата препознава една од најдлабоките вистини на љубовта, да се биде близок со другиот, а да не се престане да се биде свој.

     Лирската атмосфера на стариот мост, реката што неуморно тече и предвечерното небо, ѝ дава на песната медитативна сила, додека завршните прашања отвораат простор за сопствениот копнеж и преиспитувањето на читателот. Кристина Краличин успева личната приказна за љубовта што оставила трага да ја претвори во универзално размислување за човечката потреба од припадност и слобода.

A ja još uvijek ne znam,/ sada kada si otišao daleko od mene,/ daleko od ovog mosta, daleko od nas,/ je li ljubav bila most koji nas je spojio/ ili rijeka koja je tekla između nas.

     Наградата на конкурсот „Мост на поетите 2026“ ѝ припаѓа на песна што мостот не го гледа само како градба или место на средба, туку и како симбол на човечката поврзаност што ја надживува дури и разделбата. Можеби токму во тоа е тајната на љубовта: не мора да станеме едно за да си припаѓаме еден на друг, доволно е меѓу нашите брегови да постои мост што памети дека некогаш сме се сретнале.

        Ибрахим Османбашиќ

        Книжевник и селектор на конкурсот „Мост на поетите 2026“

Свеченото доделување на признанијата и промоцијата на меѓународната поетска збирка „Most od riječi“ (Мост од зборови), во која ќе биде застапена и победничката песна, ќе се одржат на 17 октомври 2026 година, во Art kuća sevdaha во Сараево.

Ова признание претставува уште еден значаен меѓународен успех за Краличин и афирмација на современото македонско книжевно творештво надвор од границите на земјата.

Официјални резултати:
https://kns.ba/rezultati-konkursa-most-pjesnika-2026-4-medjunarodni-festival-poezije/

Победничката песна „Двајца не мора да станат едно“ на Кристина Краличин на босански јазик:

DVOJE NE MORAJU JEDNO POSTATI